LEGA EasterLAN 2018

Obwois jo eigentlich neamd mea interessiert und ohne das wia a nur irgendwia a nur motiviert waradn – ma kuntat sogoa sogn quasi aufn Zaunfleisch daherkrochn:

LEGA embarrassingly presents
EasterLAN 2018

EI EI EI, sEI dabEI!

Freitag 30. März 15:00 – Sonntag 1. April 17:30

Gasthaus Dopler, Koarl Fischa Strossn Zwöf (12)

3454 Sitzenberg-Reidling

Internet

Brauch ma ned, lossts eichane “Online” games daham! (Na ernsthoft, lossts es daham!)

Wea auf da LAN Updates ziagt, dem ziag ma es Netzwerkkawe (in schlimmstn Foi es Stromkawe :-D)

Games & Turniere

Wos gspüt wird, sogn grundsätzlich amoi mia, dass des glei kloa is.

Huach zua, Turniere wirds scho gebn – loss da des gsogt sei:

– Freidog: Konsolen Turnier, Rainbow Runners?
– Saumsdog: Kegeln ab 17 Uhr
(Un)kostn (“Un-” wäu mas söwa ned megn)

25€ fia 3 dog
20€ fia 2 dog

Ans muas a amoi gsogt werdn: De Einnaumen weadn ausnaumslos zur Deckung vo de Unkosten verwendt (zB: Soimiete, Strom, Hazung, Equipment, …) sowie das ma a Preise, Wossa und a amoi a Obstal fia zwischnduach haum.

Vorher zoin oda direkt auf da Vaaunstoitung zoin kost es söwe, owa waunst a ESVÖ Koatn host, kosts 2€ weniga – host mi?

Sitzplan

A Plotzreservierung is nua in Vabindung mit “vorcha zoin” meglich. Waunst owa ned schnö gnua drau bist mitn eizoin, nämli a Wochn voa da LAN, wern die resawiertn Plätz owa a wieda hergem.

Waunst eh nix resawiert und eizoit host güt es so genaunte “Först Kamm, Först Sörf” Prinzip, oda auf guad deitsch: wer zeascht kummt moit zeascht.

Wia kennan hoid a ned dariachn waunst du daher kumma dadast und kennan do daun leida nix mehr mochn.

Essn & Dringa

Da Dopla Max mocht uns wia imma de Kuchl, oiso friss oda stiab – na Spaß, normalaweis mocht a des jo echt Spitzenklass das a Traum is!

Waunst owa trotzdem glaubst, dast di söwa bessa vasuagn kaunst, is a erlaubt dast da wos vo daham mitnimmst.

Ferner liefen

Schlofn kennts natürlich a im Gosthaus, da war die Kegelbaun dafia docht. A Unterlogsmattn oder a Matrotzn dadad ma eich owa wärmstens empföhn.

Ihr kennts a im Goatn campen, a guade Idee is des bei de jetzigen Temperaturn owa woascheinlich eher ned, dadat ma si denga.

Dusch gibts a, wauns eich in da frua a wengal frisch mochn mechats.

Wauns ka Netzwerkkawe hobts – wir kennan eich ans sehr deia vakafn (owa wissts eh, Top Qualität).

Oiso nua amoi zum mitschreim

• Ollamaximalst 30 Teunemma
• Preise: 3 Dog: 25 €, 2 Dog: 20 €
• Essn und Dringa vom Dopler Max
• Hyper LAN + Hyper Hyper WeLAN
• Internet: guad owa aus
• Turniere mit vom Obmau beglaubigtn Wisch und Preisn
• Dusch’ und Schlofbereich
• 1x 1.5l Gratis Mineral beim Eitritt
• Obstal @ LAN solaung da Vurrot reicht

Bitte möds euch wie imma üwa unsare ebnfois sehr motiviate Lansuite (http://lansuite.die-lega.org) zua LAN au und vergessts ned eicha Netzwerkkawe eizpockn (soit scho so 5m oda länga sei)!

SO UND JETZ LOSSTS UNS ZFRIEDN, MA SICHT SI AUF DA LAN!

[email protected]

Links zum Thema:

Anmeldung: http://lansuite.die-lega.org/index.php?mod=signon

Shortfacts: http://lansuite.die-lega.org/index.php?mod=info2&action=show_info2&id=8

Kosten: http://lansuite.die-lega.org/index.php?mod=info2&action=show_info2&id=11